El pensamiento generador de la Teología de San Pablo
Pauli verba « Mysterium », « Mysterii oeconomia », integrae Apostoli Theologiae summam et quasi substantiam exprimunt. In huiusce Theologiae elementis definiendis Paulini theologi mira consensione concordant. Qui in Paulinae Theologiae genesi detegenda adlaborant, triplicem viam ingrediuntur: alii h...
| Main Author: | |
|---|---|
| Format: | Electronic Article |
| Language: | Spanish |
| Check availability: | HBZ Gateway |
| Fernleihe: | Fernleihe für die Fachinformationsdienste |
| Published: |
Ed. Pontificia Univ. Gregoriana
1938
|
| In: |
Gregorianum
Year: 1938, Volume: 19, Issue: 2, Pages: 210-262 |
| Online Access: |
Volltext (lizenzpflichtig) |
| Summary: | Pauli verba « Mysterium », « Mysterii oeconomia », integrae Apostoli Theologiae summam et quasi substantiam exprimunt. In huiusce Theologiae elementis definiendis Paulini theologi mira consensione concordant. Qui in Paulinae Theologiae genesi detegenda adlaborant, triplicem viam ingrediuntur: alii historico-documentalem, alii psychologicam, alii rationalem seu dialecticam. Postrema ista methodus, omnino praeferenda, duobus modis adhiberi potest: aut formulam quandam syntheticam et quasi centrum totius theologicae structurae, aut initialem et quasi germinalem ideam theologicae evolutionis vestigando. Alter hic modus aptior videtur. « Mysterium » et « Mysterii oeconomia » duplicem nostrae investigationis gressum suppeditant. In « Mysterio » ope analysis idea initialis obtinetur. In « Mysterii oeconomia » obtenta idea initialis comprobatur. I. Initialis idea in « mysterio ». Paulinae Theologiae idea germinalis in iustitiae conceptu reponenda videtur. Nimirum praevisum hominis peccatum Deus iustitia reparare decernit; iustitia, inquam, qua et peccatum expietur et peccator iustificetur. At, sicut peccatum per unum hominem in mundum intravit, id est, per Adam et solidariter, ita etiam iustitia: et solidariter et per Christum, id est, per hominum communionem cum Christo. Inde plenus iustitiae conceptus; in quo tria elementa praecipua comprehenduntur: aliud reale, seu ipsa iustitia; aliud personale, seu Christus; aliud modale, seu solidaritas. Brevius, initialis idea est Dei iustitia homini data per communionem cum Christo seu « in Christo Iesu ». II. Ideae initialis evolutio in « oeconomia mysterii ». In « Mysterii oeconomia » seu divini consilii exsecutione triplex stadium designari potest: 1. Periodus praeparationis, seu redemptionis praehistoria, in qua duo potissimum eminent: promissio facta Abrahae, Lex lata per Moysen. In his duobus, quibus totius Veteris Testamenti substantia continetur, splendet iustitia. 2. Summum exsecutionis momentum seu redemptio. Huc spectant, praeter generaliores illas formulas « Regni Dei » et « Evangelii », tum missio Redemptoris tamquam Novissimi Adae, tum actus ipse redemptionis. Quae omnia iustitiae lumen illustrat. 3. Obtentae per redemptionem iustitiae actualis in hominem derivatio; ubi, praemissa solidaritatis seu communionis formulae declaratione « in Christo Iesu », expenduntur Sacramenta, formalis iustificatio, theologicae virtutes, vita moralis, vita aeterna: in quibus omnibus initialis idea iustitiae explicata concrescit. |
|---|---|
| Contains: | Enthalten in: Gregorianum
|